Ұлттық спорт түрлерінің жеңімпаздары

Бүгін  Зеренді ауданы Шағалалы ауылының жоғары агротехникалық колледжінің базасында “Ұлттық мектеп лигасының” аясында “Жастар” бағдарламасындағы ұлттық спорт түрлері Асық ату, бес асық, тоғыз құмалақтан облыстық жарысы өз мәресіне жетті.  Облысымыздың 18 ауданынан келген 7-8 сынып оқушылары арасынан жеңімпаздар анықталды. Салтанатты жабылу мен марапаттау рәсімінде спортшыларды “Ақмола облысы білім басқармасының туризм, дене шынықтыру, алғашқы әскери және технологиялық дайындық орталығы” басшысының орынбасары Мұқатаев Мейірбек Шәріпұлы құттықтады. Жеңімпаздар тізімі төмендегідей анықталды: Асық атудан 1-орын Қорғалжын ауданы, 2-орын Зеренді ауданы, 3-орын Көкшетау қаласы; Бес асықтан 1-орын Көкшетау қаласы, 2-орын Бурабай ауданы, 3-орын Есіл ауданы; тоғызқұмалақтан 1-орын Көкшетау қаласы, Біржан сал ауданы, Бурабай ауданы. Қатысқан спортшыларға болашақта сәттілік тілейміз, үлкен жетістіктерге жететініне сенеміз.

Салтанатты жабылу мен марапаттау рәсіміне дейін жарысқа қатысушыларға Шағалалы ауылының жоғары агротехникалық колледжі “мамандықтар әлеміне” атты экскурсия өткізді. Мектеп оқушылары көптеген жақсы эмоциялар мен әсерлер алды.