Жас сарбаздар Бурабайда

Ақмола облысы білім басқармасының  туризм, дене шынықтыру, алғашқы әскери  және технологиялық дайындық орталығының жылдық жоспары негізінде ағымдағы жылдың 26-28 сәуір күндері, «Ұлы Жеңіске 80 жыл» толуына орай «Жігер» және «Намыс» Спартакиадалары аясында Ақмола облысының жалпы білім беретін мектеп оқушылары мен техникалық және кәсіптік білім беру ұйымдары студенттерінің арасында «Отан қорғаушы» әскери – спорттық кешенінің нормативтерін орындау бойынша облыстық конкурс бастауын алды. Аталған жарысқа мектептерден 12 команда 60 оқушы, колледждерден 15 команда 75 студент жалпы 27 команда 135 жас армияшы өз бақтарын сынауға келді. Ақмола облысының жалпы білім беретін мектеп оқушылары Щучинск қаласы, Жоғары орман шаруашылығы, экология және туризм колледжінде ал техникалық және кәсіптік білім беру ұйымдарының студенттері ветеринария және биотехнология жоғары колледжінде бас қосты.

Жарыстың бірінші күні қатысушылардың құжаттары толығымен тексеріліп, төрешілер алқасы, ашылу салтанаты және пневматикалық винтовкадан ату бойынша жарыс өтті.