Жас Отан қорғаушылар марапатталды

Ақмола облысы білім басқармасының туризм, дене шынықтыру, алғашқы әскери және технологиялық дайындық орталығының жылдық жоспары негізінде ағымдағы жылдың 26-28 наурыз күндері, «Ұлы Жеңіске 80 жыл» толуына орай «Жігер» және «Намыс» Спартакиадалары аясында Ақмола облысының жалпы білім беретін мектеп оқушылары мен техникалық және кәсіптік білім беру ұйымдары студенттерінің арасында «Отан қорғаушы» әскери – спорттық кешенінің нормативтерін орындау бойынша облыстық конкурс бастауын алды, аталған жарысқа мектептерден 12 команда 60 оқушы, колледждерден 15 команда 75 студент жалпы 27 команда 135 жас армияшы өз бақтарын сынауға келді. Ақмола облысының жалпы білім беретін мектеп оқушылары Щучинск қаласының Жоғары орман шаруашылығы, экология және туризм колледжінде, ал техникалық және кәсіптік білім беру ұйымдарының студенттері Қатаркөл ауылының ветеринария және биотехнология жоғары колледжінде өтті.

Жарыс нәтижелері:

- Колледждер арасында:

І-орын – Жанайдар Мусин атындағы Көкшетау жоғары қазақ педагогикалық колледжі

ІІ-орын – Көкшетау қаласының Жоғары техникалық колледжі

ІІІ-орын – Щучинск қаласының Жоғары техникалық колледжі

- Мектептер арасында:

І-орын – Бурабай ауданының командасы

ІІ-орын – Жарқайың ауданының командасы

ІІІ-орын – Шортанды ауданының командасы

Одан басқа жеке есепте үздік нәтиже көрсеткен оқушылар мен студенттер марапатталды.

Барлық қатысушы командалар «Ақмола облысы білім басқармасының туризм, дене шынықтыру, алғашқы әскери және технологиялық дайындық орталығы» КММ сертификаттармен марапатталды, жеңімпаздар командалық есепте диплом, грамота, кубок, медаль және сыйлықтармен марапатталды.