Әскери-патриоттық тәрбиені қалыптастыру мәселелері семинар-кеңесте талқыланды

Щучинск қаласының жоғары педагогикалық колледжінің базасында базасында «Ақмола облысында әскери-патриоттық тәрбиені қалыптастырудағы әскери технологиялық дайындықтың рөлі мен маңызы» атты екі күндік семинар-кеңес өтті.

Іс-шараның мақсаты: өңірдегі АӘТД жағдайын талқылау, әскери-патриоттық тәрбие жұмысының тиімсіздігінің себептерін анықтау, әскери – патриоттық тәрбие бойынша бірыңғай ұсыныстар әзірлеу.

Ұйымдастырушы: Ақмола облысы білім басқармасының жанындағы  облыстық балалар-жасөспірімдер туризмі, өлкетану және экология орталығы.

Қатысушылар: Ақмола облысының жалпы білім беру мекемелерінің АӘТД пәнінің мұғалімдері мен аудан әдіскерлері, Ақмола облысының қорғаныс істері жөніндегі департаментінің өкілдері.

Ұйымдастырушылардың айтуынша, кеңес жұмысы барысында өңірдегі әскери-патриоттық жұмыстарға талдау жасау, өңірдегі кадет сыныптарының жұмыс істеуіне талдау жасау, әскерге шақырылған жастардың денсаулық жағдайы және т. б. мәселелер көтеріліп, талқыланды.

Кездесу қорытындысы бойынша ұсыныстар қабылданды.