Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
«Мен табиғатты танып білемін»...
Текст
|
«Ақмола облысы білім басқармасының туризм, дене шынықтыру, алғашқы әскери және |
 |
Коммунальное государственное учреждение «Центр туризма, физической культуры, начальной военной и технологической подготовки управления образования Акмолинской области» |
Жас тарихшылар мен өлкетанушылардың облыстық зерттеу жұмыстар байқауының қорытындысы
10.04.2023
Жас тарихшылар мен өлкетанушылардың облыстық
зерттеу жұмыстар байқауының қорытындысы
Ақмола облысы білім басқармасының облыстық туризм, дене шынықтыру, алғашқы әскери және технологиялық дайындық орталығы 2023 жылғы 05-07 сәуір аралығында Зеренді ауданы Шағалалы ауылының жоғары агротехникалық колледжі базасында жас тарихшылар мен өлкетанушылардың облыстық зерттеу жұмыстары байқауын өткізді.
Мақсаты: қазақстандық патриотизмді қалыптастыру, оқушылардың өлкетану және Қазақстан тарихы бойынша білімдерін тереңдету.
Міндеттері:
- өлкетануға қызығушылық танытатын оқушыларды анықтау және қолдау;
- туған өлкенің тарихын зерттеуге танымдық қызығушылықты ынталандыру;
- оқушылардың тарихи өлкетану саласындағы зерттеу идеялары мен бастамаларын анықтау және көтермелеу;
- ортақ тарих, өз жеріне, ауылына, қаласына, өңіріне деген сүйіспеншілік негізінде жалпықазақстандық бірегейлік пен бірлікті қалыптастыру.
Байқауға Ақкөл, Аршалы, Астрахан, Атбасар, Бурабай, Біржан сал, Егіндікөл, Ерейментау, Есіл, Жақсы, Жарқайың, Зеренді, Сандықтау, Целиноград, Шортанды аудандарының жалпы білім беретін ұйымдарынан және Көкшетау қаласының Абай атындағы № 3 облыстық мамандандырылған мектеп-интернатынан 43 оқушы қатысты.
Байқау қатысушыларының жұмысын бағалағандар: Ақмола облысы білім басқармасының жанындағы Шағалалы ауылының жоғары агротехникалық колледжінің» тарих оқытушылары Жақанов Бахытжан Өмірзақұлы және Ғабдуллин Бақтияр Мұратұлы; Коскулакова Бақыт Кеңесқызы – Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығының директордың орынбасары; Белицкая Елена Викторовна - Көкшетау қаласы Чайкино кентіндегі №15 негізгі жалпы білім беретін мектептің тарих пәнінің мұғалімі.
Байқау 3 номинация бойынша өткізілді:
1. «Мәдени мұра» номинациясы – жерлестердің мәдени мұрасы мен шығармашылығын зерттеу, туған өлкенің мәдени өміріндегі оқиғаларды тіркеу.
2. «Әскери тарих. Іздеу» номинациясы - жергілікті өлкетану материалында тарихты зерделеу, жерлестерді еске алу.
3. «Туған өлке шежіресі» номинациясы (ежелгі заманнан бүгінгі күнге дейінгі туған өлкенің тарихы мен табиғатын зерттеу, біздің күндеріміздің шежіресін құрастыру, жекелеген, ең жарқын немесе аз танымал тарихи оқиғаларды, табиғат құбылыстарын зерттеу немесе өлкенің жалпы тарихын қайта құру).
«Мәдени мұра» номинациясы:
1 орын - Хатшыбай Айтуар, Ерейментау ауданы Новомарковка ауылы;
2 орын - Басжанова Ақмерей, Зеренді ауданы Қоңысбай ауылы;
3 орын - Багрецевич Тимур, Біржан сал ауданы Бірсуат ауылы:
Грамота - Тасболат Мадина, №3 ДБОММИ;
Грамота – Серік Таннұр, Жарқайың ауданы Тассуат ауылы.
«Әскери тарих. Іздеу» номинациясы:
1 орын - Шулик Раиса, Есіл ауданы С.Серіков ат. НМ;
2 орын - Кусаинова Айдана, Сандықтау ауданы Ұлан ауылы;
3 орын - Деревянко Мария, Аршалы ауданы Турген ауылы;
Грамота - Минтенко Милена, Атбасарский район, с.Новосельское
Грамота – Богданов Вадим, Егіндікөл ауданы Егіндікөл а. №2 НМ.
«Туған өлке шежіресі» номинациясы:
1 орын - Боранбай Аяжан, Целиноград ауданы Қоянды ауылы;
2 орын - Рамазан Ернар, Астрахан ауданы Петровка ауылы;
3 орын - Серік Амина, Бурабай ауданы Зелёный бор ауылы;
Грамота – Ержанов Ельнар, Жарқайың ауданы Отрадное ауылы;
Грамота – Хлопяникова Алина, Жақсы ауданы Алғабас ауылы.
Байқау жеңімпаздары Ақмола облысы білім басқармасының І, ІІ, ІІІ дәрежелі дипломдарымен және грамоталарымен, бағалы сыйлықтарымен марапатталды. Байқаудың барлық қатысушыларына қатысқаны үшін сертификаттар табысталды. Жетекшілерге алғыс хаттар табысталды.
Жүлдегерлерді жеңістерімен құттықтаймыз және одан әрі табыс тілейміз.
Просмотров: 161