Қазақстан Республикасының астана күніне және әл – Фарабидің 1150 жылдығына арналған «Уақыт – байланыстырушы желі» мектеп және колледж музейлерінің сырттай байқауының қорытындысы

Ақмола облысы білім басқармасының жанындағы «Облыстық балалар мен жасөспірімдер туризмі, өлкетану және экология» орталығы 2020 жылдың 20-24 шілде аралығында Ақмола облысының жалпы орта білім беру ұйымдарының оқушылары арасында «Уақыт – байланыстырушы желі»  мектеп және колледж музейлерінің сырттай байқауының облыстық кезеңін қашықтықтан өткізді.

Облыстық байқау «Рухани жаңғыру» бағдарламасының «Ақмола облысының мектеп музейлерін дамыту»  бағдарламасын жүзеге асыру аясында өткізілді.

Байқаудың мақсаты: білім беру ұйымдарында мектеп музейлерінің маңыздылығын арттыру, музейдің өскелең ұрпаққа педагогикалық ықпалының мазмұнын, әдістері мен формаларын жетілдіру.

Міндеттері: оқушылардың ой-өрісін кеңейту, танымдық қызығушылықтары мен қабілеттерін, әлеуметтік белсенділігін тәрбиелеу, оқушылардың ізденушілік, ғылыми-зерттеу жұмысының дағдыларын қалыптастыру, педагогтар мен білім алушыларды мектеп музейлерін алуан түрлі қызметіне қосу арқылы музей педагогикасын дамыту үшін жағдай жасау; тарихи және мәдени ескерткіштерге ұқыпты қарауды қалыптастыру.

Байқауға барлығы 36 қатысушы қатысты. Қатысушылар «Музей тарихы», «Отбасылық жәдігер», «Өткенің жұмбақтарына саяхат», «Нұр-Сұлтан- болашақтың қаласы» сияқты номинациялар  бойынша өздері видеобейне түрінде дайындаған жұмыстарын ұсынды.

«Уақыт – байланыстырушы желі»  мектеп және колледж музейлерінің сырттай байқауының қортындысыбойынша орындар келесідей бөлінді:

І орын – Жақсы ауданы;

ІІ орын – Атбасар ауданы;

ІІІ орын – Сандықтау ауданы.

Барлық қатысушылар мен жетекшілерге сертификаттар берілді. Жеңімпаз балалар Орталықтың алғыс хаттарымен марапатталды. Байқау жеңімпаздарын дайындаған педагогтарға Орталықтың алғыс хаттары табыс етілді.