«Ең «жасыл» білім беру ұйымы» облыстық байқауы

Ақмола облысы білім басқармасының жанындағы облыстық балалар  мен жасөспірімдер туризмі, өлкетану және экология орталығы «Рухани жаңғыру» бағдарламасының «Табиғат бесігі» кіші жобасын жүзеге асыру аясында 2020 жылдың мамыр айынан бастап Ақмола облысының білім беру ұйымдары арасында «Ең «жасыл» білім беру ұйымы»  байқауын өткізді. Бұл байқау «Сақтаймыз және көбейтеміз!» атты «жасыл» науқанының жалғасы болып табылады.

 Байқаудың мақсаты – жастарды ормандарды сақтау, қалпына келтіру және көбейту, қалалар мен аудандарды көгалдандыру, аумақты абаттандыру (көшеттер, гүлзарларды орналастыру, абаттандыру, жылыжайлар) ісіне жастарды тарту. 

Міндеттері: табиғат сұлулығын көре білуге тәрбиелеу; табиғатқа ұқыпты қарауға тәрбиелеу; экологиялық сауатты мінез-құлық дағдыларын қалыптастыру; адамның жасампаз қызметіне деген құрметін және табиғатқа қатысты қиратушы іс-әрекеттің теріс қатынасын тәрбиелеу.

 

Экологиялық тәрбие - біздің заманымыздағы ең маңызды нәрсе. Балаларға ерте жастан бастап табиғатты аялауды, қоршаған ортаға ұқыпты қарауды, ресурстарды ұтымды пайдалануды үйрету аса маңызды.  Экологиялық тәрбие - бұл эмоционалды жауаптылық, адамгершілік және ізгілік. Белгілі бір экологиялық түсініктерге ие болған оқушылар табиғатқа ұқыпты қарайды, оған деген сүйіспеншілік сезімін, ақыл-ойы мен ерік-жігерін өздері мен табиғатының игілігі үшін бағыттай білуді, өз қызметінің теріс экологиялық салдарын алдын-ала болжай және алдын-ала болжай білуді тәрбиелейді.

Қазақстан Республикасының Тұңғыш Президенті Н.Ә.Назарбаевтың «Қазақстан-2030» даму стратегиясында халыққа экологиялық білім беру мәселесіне айрықша көңіл аударғаны баршамызға белгілі. Ал Президентіміз Қасым-Жомарт Тоқаев еліміздегі мектептерде экология пәнін енгізуді тапсырды. «Сабақтан тыс уақытта экологиялық білім беру деген өте маңызды. Бұл пәнді мектеп бағдарламасына тек бір пән ретінде енгізіп қойсақ, тиімділігі жоғары болмайды. Бала құлағымен естіп қана қоймай, осы жұмысқа өзі тікелей қатысса ғана алған білімі маңызды болады», – деді ҚР Білім және ғылым министрі Асхат Аймағамбетов.  

Экологиялық тәрбие еңбек тәрбиесімен де тығыз байланысты. Мектеп және балабақша жанындағы учаскені абаттандыру және көгалдандыру маңызды оқу-тәрбиелік рөл атқарады. Қоршаған табиғи ортаны қорғау, жанашырлықпен қарау балаларың азаматтық қасиеттерін қалыптастыруға ерекше үлес қосады.

  Туған өлкеміздің жасыл желекпен көмкерілуі үшін атқарылып жатқан ортақ іске Ақмола облысының педагогтары мен тәрбиешілері, мектеп оқушылары, балабақша тәрбиеленушілері де белсенді қатысып жүр.

Балалардың мектеп, балабақша аумағындағы бау-бақшаға, жылыжайға гүлдер, көшеттер, көкөністер отырғызып, оларға күтім жасауы, мектеп ауласын көгалдандыру әрі абаттандыру жұмыстарын атқаруы қуантарлық іс. Мектепті көгалдандыру, абаттандыру жұмыстарын жандандыру, сынып бөлмелері, дәліздері мен кіреберістердің әсемдігін бөлме гүлдерімен әрлендіру, бөлме гүлдерінің түрін көбейту мақсатында көптеген істер атқарылып жатыр. Ал өсімдіктер тек көзайымын шаттандырмай қоймай экология мен адамдардың денсаулығына жақсы әсер етеді.

«Ең «жасыл» білім беру ұйымы» облыстық байқауына Атбасар,  Зеренді, Қорғалжын, Сандықтау, Шортанды, Целиноград аудандары  және Көкшетау, Степногорск қалаларының мектептері мен мектепке дейінгі білім беру ұйымдары белсенді қатысты. 

Сандықтау ауданы Максимовка орта мектебінде «Ауыл бұрышы», «Гүлдену қадамдары»,  «Тас құдығы», «Кішкентай гүл ертегісі», «Гүл алаңы» гүлзарлары жасалған. Сонымен қатар, жылыжай мен бақшада әр түрлі көкөністер өседі. Аудандағы «М.АренА» спорт кешенін көгалдандыру мақсатында Максимовка орта мектебінің оқушылары мен ата-аналары    қарағай, шырша, бұтақтар отырғызып, өз ауданының көгалдандыру жұмысына үлестерін қосты.

Көкшетау қаласы №21 ОМЛ  көгалдандыру, абаттандыру кезінде мынадай гүлзарлар отырғызылды: «Ою-өрнек», «Көбелек», «Құмыра» сарқырамасы, «Қырғауыл», «Ромб», «Гүл себеттері», «Шай үйірмелері», гүл аркалары. және  Альпі төбесінде жұмыстар жүргізілді: тастар қосылды, жаңа өсімдіктер отырғызылды. Мектеп жылыжайында жұмыс жыл бойы жүргізіледі.   Мектептің білім алушылары күзден бастап жылыжайда жұмыс істей бастайды: топырақ дайындайды, көкөніс және гүл дақылдарының тұқымын таңдайды. Ақпан айының соңында олар қызанақ, бұрыш, баклажан, қырыққабат көшеттерін өсіре бастайды. Наурыз-сәуір айларында өсімдіктерге күтім жасайды, бақылау күнделіктерін жүргізеді.

Бұл байқауға Атбасар ауданының, Қорғалжын ауданының және  Степногорск қаласының балабақшалары да абаттандыру, көгалдандыру  науқанына белсенді қатысып, көптеген іс-шараларды атқарған. 

Балабақша ауласын эстетикалық безендіруде және абаттандыруға,  әр түрлі сәулет нысандарын орнатуға Атбасар ауданының «Алтын бесік», Степногорск қаласының №4 «Арман», «Сказка» балабақшалары аса көңіл аударған. Ал Қорғалжын ауданының «Балауса» балабақшасының бүлдіршіндері өз балабақшасын жасыл желекпен көгалдандыруына зор үлестерін қосқан. Олар тәрбиешілерімен бірге көкөніс, ағаш көшеттерін отырғызып, жаз бойы суарып күтіп баптады. 

Ұсынылған ақпарат, фото және бейне материалдар бойынша жеңімпаздар анықталды. Байқау жеңімпаздарына Ақмола облысы білім басқармасының дипломдары  мен  естелік сыйлықтары табыс етіледі.

Сонымен қатар,жеңімпаздардың бейнематериалдарын әлеуметтік желі инстаграм @ocdutke парақшасында көре аласыздар, сілтеме: https://instagram.com/ocdutke?igshid=10l6hcgbayfy5

Байқау қорытындысының нәтижесінде келесідей орындар бөлінді:

 

• «Ең «жасыл» мектеп номинациясы бойынша:

 

1 орын –  Сандықтау ауданы Максимовка орта мектебі;

                     Көкшетау қаласы №21 орта мектеп лицейі;

2 орын –  Зеренді ауданы Мәлік Ғабдуллин атындағы жалпы білім  

                беретін орта мектеп гимназиясы;

                          Атбасар қаласы №1 орта мектебі;

3 орын –  Целиноград ауданы Ақмешіт ауылының №15 орта мектебі;

                 Қорғалжын ауданы Шалқар орта мектебі;

                 Шортанды ауданы №1 Жолымбет орта мектебі.

                 

• «Ең «жасыл» балабақша» номинациясы бойынша:

 

1 орын –  Атбасар ауданы «Алтын бесік» балабақшасы;

2 орын –  Степногорск қаласы  «Арман» балабақшасы;

3 орын –  Қорғалжын ауданы «Балауса» балабақшасы;

                 Степногорск қаласы  «Сказка» балабақшасы.